Јапонската Влада донесе одлука за доделување на дополнителни 54 милијарди долари за борба против светската финансиска криза.

Овие средства се наменети за кредитирање на малите бизниси и пружање помош на отпуштените работници.

Освен тоа јапонските власти планираат да ги намалат даноците за сопствениците на станбен простор.

За целосно реализирање на план за излез од економската криза Јапонија има потреба од над сто милијарди долари, а минатата недела властите ја зголемија вредноста на планот за спас на економијата на 255 милијарди долари.

Централната банка на Јапонија на 19 декември ја намали основната каматна стапка до 0,10 проценти во настојувањето да ја стабилизира економијата во земјата.

Владата соопшти дека темпото на економскиот раст на Јапонија може да падне до нулата и оваа тенденција веројатно нема да се промени до 2010 година.