Турската авиокомпанија „Туркиш Ерлајнс“ склучи договор со босанските власти за стекнување на 49 проценти од босанската авиокомпанија „БХ Ерлајнс“. Амбициите на „Туркиш Ерлајнс“ се со „БХ Ерлајнс“ да го повтори својот успех, а тоа е удвојување на бројот на патниците.

Во 2007 година со „БХ Ерлајнс“ летале вкупно 70 илјади патници, а профитот на компанијата е околу 12 милиони евра. 

Турската авиокомпанија се ангажира да внесе во „БХ Ерлајнс“ првичен капитал од околу пет милиони евра, а дополнителни пет милиони евра ќе бидат одделени за купување на два авиони Боинг 737.

Со двата авиона АТР - 72, босанската авиокомпанија извршуваше летови до Истанбул и неколку градови во Западна Европа.