Комерцијална банка АД Скопје е една од водечките банки во Република Македонија, четворократен добитник на престижната награда “Банка на годината 2001”, “Банка на годината 2002”, “Банка на годината 2004” и “Банка на годината 2005” што ја доделува реномираното банкарско списание “The Banker”, како и четворократен добитник на наградата за најдобра банка во Македонија за 2004, 2005, 2006 и 2007 година што ја доделува реномираниот њујоршки магазин Global Finance.

Банката располага со широка мрежа на експозитури и филијали, која што во континуитет ја проширува на територијата на целата земја. Деловната мрежа на Банката се состои од 7 филијали (Охрид, Прилеп, Велес, Кочани, Куманово, Струмица, Штип) и 43 експозитура, од кои 28 се лоцирани во Скопје, а останатите низ Републиката. Во функција на извршување брзи и ефикасни меѓународни услуги за своите клиенти, Банката има воспоставено кореспондентски односи со преку 600 банки во 23 земји и контокорентски односи со 55 банки.

Акциите на Комерцијална банка АД Скопје котираат на официјалниот пазар на Македонската берза и претставуваат една од најликвидните хартии од вредност.